халыкка кызмет корсету орталыгы номер
4 мамырдан бастап істейтін халыққа қызмет көрсету орталығының тізімі жарияланды
НҰР-СҰЛТАН, 4 мамыр — Sputnik. Елорда мен бірқатар өңірде 58 халыққа қызмет көрсету орталығының жұмысы жанданды, деп хабарлайды Sputnik Қазақстан тілшісі.
«Азаматтарға арналған үкіметтің» баспасөз қызметінің ақпаратына сәйкес, 4 мамырдан бастап астанада Мәңгілік ел, 30 мекенжайындағы орталық пен мамандандырылған халыққа қызмет көрсету орталығы жұмыс істейді.
Мәңгілік Ел мекенжайындағы орталық тек кәсіпкерлік субъектілеріне, мамандандырылған ХҚКО автосалондарға ғана қызмет көрсетеді.
Жұмыс кестесі 09:00-ден 17:00-ге дейін.
Өңірлердегі орталықтар жұмысы
4 мамырдан бастап Ақмола, Ақтөбе, Атырау, Солтүстік Қазақстан және Түркістан облыстарында да орталықтар шағын және орта бизнес субъектілеріне қызмет көрсете бастайды.
Орал, Қарағанды және Ақтаудағы орталықтар жеке тұлғалар үшін де өз есігін ашты.
Алайда коронавирус пандемиясына байланысты орталықтарға онлайн режимінде алу мүмкіндігі жоқ қызмет үшін ғана баруға болады. Алдын ала электронды үкімет порталында немесе 1414 нөмірі бойынша бірыңғай байланыс орталығында кезек алу керек.
Зейнеткерлер, көпбалалы отбасы мен мүмкіндігі шектеулі жандар орталық қызметіне әдеттей жолмен жүгіне алады.
Олар үшін әрбір фронт-кеңседе арнайы терезе жұмыс істейді. Бірақ 1414 нөмірі бойынша бірыңғай байланыс орталығында кезек алу шарт.
4 мамырдан бастап жұмысқа кіріскен орталықтардың толық тізімі кестеде көрсетілген.
Үкімет АӨК саласында бағаны тұрақтандыру шараларын қабылдады – Мамин
АЛМАТЫ, 22 қазан – Sputnik. Президент Қасым-Жомарт Тоқаев премьер-министр Асқар Маминді қабылдады. Ол мемлекет басшысына Қазақстанның экономикалық өсім қарқыны, әлеуметтік маңызы бар азық-түлік бағаларын тұрақтандыру шаралары, елдегі санитарлық-эпидемиологиялық ахуал туралы баяндады, деп хабарлады Ақорда.
Мемлекет басшысы Қазақстан экономикасының қайта қалпына келу үдерісі қарқынды жүріп жатқанын атап өтті. Биыл 9 ай қорытындысы бойынша ішкі жалпы өнімнің өсімі 3,4%-ті құрады.
Асқар Маминнің мәліметіне сәйкес нақты сектордағы тұрақты өсім 3,5%-ке өсті. Карантин шектеулерін жеңілдету нәтижесінде қызмет көрсету секторының біртіндеп қалпына келуі экономиканың қайта өсуін үдетті. Өңдеуші өнеркәсіптегі өндіріс көлемі 5,7%-ке артты. Құрылыс саласы 9,7%-ке ұлғайды. Елімізде 9 айдың ішінде 10,4 миллион шаршы метр тұрғын үй пайдалануға берілді. Бұл былтырғы көрсеткішпен салыстырғанда 8%-ке жоғары.
Премьер-министр мемлекет басшысына әлеуметтік маңызы бар тауарлар бағасын тұрақтандыру бойынша жүргізіліп жатқан жұмыстар мен инфляцияға қарсы іс-қимыл шараларының жүзеге асырылуы жөнінде айтты.
Қасым-Жомарт Тоқаевқа берілген ақпаратқа сәйкес, қазір барлық аймақта коронавирус жұқтыру деңгейі төмендеген, ауыр науқастардың, стационарларда және амбулаторлық ем қабылдап жатқандардың саны азайған. Вирустың таралу индексі – 0,96. Жұқпалы ауруханалардың 37%-інде, жансақтау бөлімдерінің 31%-інде науқастар ем алып жатыр.
8,1 миллион адам екпенің бірінші компонентін, 7,2 миллион адам екі компонентін алған.
Қазақстанда тоғыз банк таратылады
НҰР-СҰЛТАН, 22 қазан – Sputnik. Қазақстанда тоғыз банк таратылу процесінде тұр. Бұл туралы Қаржы нарығын реттеу және дамыту агенттігі хабарлады.
Агенттік лицензиялары кері қайтарып алынған банктерді тарату өндірісінің тәртібі, процесі және қазіргі жай-күйі туралы мәлімет берді.
Банктерді тарату тәртібі мен процесі
Банк қызметін тоқтату кезіндегі негізгі мақсат – кредиторлардың талаптарын қанағаттандыру, олармен есеп айырысуды қамтамасыз ету және банктің барлық операциясын аяқтау, деп атап өтті агенттік.
Банк кредиторларының талаптары банктер туралы заңда белгіленген кезекпен қанағаттандырылады:
Тарату өндірісін жедел аяқтау және кредиторлардың талаптарын өтеу мақсатында агенттік банктің тарату комиссиясын тағайындайды.
Тарату комиссиясы таратылатын банктің атынан әрекет етеді және өз құзыретіне кіретін мәселелер бойынша дербес шешім қабылдай алады: кредиторлар реестрін қалыптастыру, мүлікті сату бойынша сауда-саттықты ұйымдастыру, берешекті сот тәртібімен өндіріп алу.
Таратылатын банктің активтері:
Таратылатын банктің үйлері мен ғимараттары, өзге жылжымайтын мүлік объектілері, көліктері құнына қарамастан, сондай-ақ таратылатын банктің мүлкінің біреуінің бағалау құны 100 АЕК-тен асатын өзге мүлкі жария сауда-саттық (аукцион) арқылы ғана сатылады.
Банктердің мүлкін сату туралы ақпарат таратылатын банктің сайтында жарияланады.
Халыққа қызмет көрсету орталығының әлеуметтік маңызы
Бұл нысанның әлеумет үшін маңызы зор. Себебі, бұрын бір анықтама алу үшін бітпейтін кезек пен түрлі кабинеттер, ең құндысы алтын уақытын сарп ететін халық бүгінде «Халыққа қызмет көрсету орталығы» деп аталатын осы мекеме арқылы барлық құжаттарын бір демде реттеу мәселесі жолға қойылған. Көпшілік «бір терезе» деп атаған бұл мекеменің ғимараты жаңа типтік жобамен жабдықталып, келген әрбір тұтынушы үшін толық жағдай жасалынып, жұмыс жүйесі жақсы ұйымдастырылған. Тағы бір айта кетерлігі, мұндағы қызметкерлер өз істерінің білікті мамандары, қай істе де алдыңғы лектен көрініп, аудандағы қоғамдық жұмыстарда да белсенділік танытып жүрген жастар.
Халықпен тікелей жұмыс жасап, құжаттарды дер кезінде дайын етіп, сапалы қызмет көрсете білу қай кезде болсын ең маңызды мәселе. Халыққа қызмет көрсету орталықтарын (ХҚКО) құру және оларға мемлекеттік органдардың қызметтерін ХҚКО арқылы жүзеге асыруға болатын – белгілі бір қызметті алу үшін жүгінген азаматтарға «бір терезе» арқылы қажетті анықтамалар мен құжаттарды алуға мүмкіндік берді.
Күн өткен сайын сапалы сервиске деген қажеттілік артып келеді, әрдайым табысты болу үшін кез келген ұйымның жұмысында клиентке бағдарланушылық бірінші кезекке шығады. Қызмет сапасын бақылау мақсатында, «Азаматтарға арналған үкімет» бірқатар механизмдерді әзірледі.
Заманауи және әрекетті құралдардың бірі ахуалдық талдау орталығы болып табылады. Заманауи орталық онлайн режимінде бейне-мониторинг жүргізу, мемлекеттік корпорацияның жұмыскерлеріне кеңес беру көмегін көрсету және сыбайлас жемқорлық белгілерін жою үшін қажетті жабдықтармен жабдықталған. «Азаматтарға арналған үкіметтің» ахуалдық орталығының жиырма жұмыскері еліміз бойынша мемлекеттік қызметтерді көрсету сапасын бақылай отырып, әрдайым халыққа қызмет көрсету орталықтарына бейнебақылау жүргізіп отырады. Бүгінгі таңда ахуалдық орталыққа мемлекеттік корпорацияның барлық халыққа қызмет көрсету орталықтары қосылған. Сонымен қатар ахуалдық орталық шалғайдағы ауылдық аймақтарға қызмет көрсететін мобильдік ХҚКО-лардың жұмысын бақылап, нақты уақыт режимінде олардың геолокациясы мен жүріс бағдарын анықтайды.
Егер адам мемлекеттік көрсетілетін қызметті алған кезде оған дұрыс кеңес берілмеді немесе кезек күту уақыты қажетті уақыттан асып кетті, немесе мемлекеттік корпорацияның жұмыскері дөрекілік көрсетті деп санаса, ол 1414 бірыңғай байланыс орталығына хабарласа алады.
1414 Бірыңғай байланыс орталығы – бұл қызмет сапасына шағымданудың жалғыз жолы емес. Www.facebook.com/gos.corporation және www.instagram.com/gos_corp әлеуметтік желілерінде «Азаматтарға арналған үкімет» ресми аккаунттары арқылы қызмет көрсету сапасы мәселелері бойынша түскен әрбір шағымға қатысты әр фактіге шұғыл түрде тексеріс жүргізіледі және шағымданған пайдаланушыларға орын алған жағдай бойынша егжей-тегжейлі жауап ұсынылады. Шағымдар мен өтініштер «Азаматтарға арналған үкіметке» Мемлекеттік корпорацияның интернет-ресурсында Басқарма төрағасының блогы арқылы да түседі, ондағы бір де бір құжат қараусыз қалдырылмайды.
Сонымен қатар ХҚКО-ларға апта сайын ешбір ескертусіз қарапайым қызмет алушылар кейпінде «жасырын сатып алушылар» келіп тұрады. Әсемгүл Балташеваның айтуынша, мұндай тексерістер мемлекеттік қызметтерді көрсету барысындағы «осал жерлерді» анықтауға көмектеседі, ол келешекте ХҚКО инспекторларын оқытуға мүмкінді береді.
Корпорацияның баспасөз қызметі мәлім еткендей, менторлық институт халыққа қызмет көрсету орталықтарында 2011 жылдан бастап жұмыс істеп келеді. Менторларға ХҚКО жұмыскерлерінің ішінен үздіктері таңдалады. Әдетте, мемлекеттік қызмет көрсету жүйесіндегі олардың еңбек жолдары қарапайым өтініштерді беруден басталады, одан кейін жұмыс тәжірибесі мен өтілі арта келе, осы қызметкерлер өз әріптестерін оқыта алатын болады. Бүгінгі күні ХҚКО департаменттерінде 44 ментор жұмыс істейді және жақын арада олардың саны айтарлықтай ұлғаятын болады.
Халыққа қызмет көрсету орталықтары жаңа жұмыс тәртібіне көшті
Коронавирус инфекциясының таралуын болдырмау және оқшаулау шараларын күшейту мақсатында Халыққа қызмет көрсету орталықтары жаңа жұмыс тәртібіне көшті, деп хабарлайды Азаматтарға арналған үкімет мемлекеттік корпорациясының баспасөз қызметі.
Қазақстандықтарға бүгінгі таңда мемлекеттік қызметтердің 80%-ы электрондық үкімет порталы арқылы қолжетімді, сондай-ақ қажетті анықтамаларды eGov Mobile мобильді қосымшасы және телеграмдағы egovkzbot2.0 боты арқылы алуға болады.
ХҚО-ның ең тәжірибелі және арнайы оқудан өткен 1800-ден астам қызметкері 1414 байланыс орталығының кеңес берушілерімен бірге азаматтарға мемлекеттік қызметтерді онлайн түрде алу бойынша көмек көрсететін болады.
Байланыс орталықтары дүйсенбіден сенбіге дейін таңғы 9.00-ден кешкі 20.00-ге дейін жұмыс істейді. Қоңырау шалу тегін.
Бұл ретте, 21 наурызға дейін өтініш беріп үлгерген азаматтар қызметтердің дайын нәтижесін (автоХҚО қызметтерімен бірге) өзі өтініш берген ХҚО-ның құжат беру секторынан алып кете алады.
Дайын құжаттарды беру терезелерінің жұмыс тәртібі: дүйсенбі-жұма 9.00-ден 17.00-ге дейін, сенбі сағат 9.00-ден 14.00-ге дейін.
Қате тапсаңыз, қажетті бөлікті таңдап ctrl+enter басыңыз.
Халыққа қызмет көрсету орталықтары адамдарға үйде қызмет көрсетеді
Елімізде мүмкіндігі шектеулі жандарға қолайлы жағдай жасауға баса назар аударылып жатыр. Осы бағытта Халыққа қызмет көрсету орталықтарының да қосқан үлесі зор.
Астана қ. Жұмыспен қаммту және әлеуметтік бағдарламалар басқармасының хабарлауынша, мемлекеттік қызметтерді көрсету стандартында кез-келген өтініш беруші немесе оның ресми өкілі ХҚКО-ға өзі келуі тиіс, бірақ мүмкіндігі шектеулі жандар үшін бұл талаптарды орындау кей жағдайда қиынға соғатын болғандықтан ХҚКО қызметкерлері өздері келіп, азаматтың үйінде қызмет көрсетуі жайлы шешім қабылданған болатын. Осыған орай бүгінде әрбір 1-2 топтық мүгедектігі бар азаматтар ХҚКО қызметтеріне үйінде отырып-ақ тапсырыс бере алатын жағдай жасалған. Ол үшін «1414» қысқа номері арқылы бірыңғай байланыс орталығына қоңырау шалып, өзі жайлы ақпарат беріп, қызметті алуға қажетті құжаттар тізімін анықтап, мекен-жайын айту керек. Осы ақпаратты алған байланыс орталығының қызметкерлері қызмет алушыға қолайлы уақытты таңдап, ақпаратты сол ауданның ХҚКО бөліміне жібереді. Ал анықталған аудан бөлімі 72 сағаттың ішінде қызмет алушының үйіне барып қызмет көрсетеді.
Айта кетейік, Астана қаласы бойынша жалпы, 7 Халыққа қызмет көрсету орталығы бар. Аталған мекемелерде 191 мемелекеттік қызмет түрін көрсететін орталықтарда мүмкіндігі шектеулі жандарға қолайлы жағдай жасалған. Есік алдындағы пандус пен шақырту қоңырауынан бастап, арнайы жеңілдік терезесі мен есту-сөйлеу қабілеті төмен жандарға ымдау тілін білетін қызметкерлер де даярланды.
Халыққа қызмет көрсету орталығына кезекті брондау қызметі ыңғайланды
23 Июля 2020 (09:42) | 1726 
| Автор: Нурганым Имашева
Енді халыққа қызмет көрсету орталығына кезекті брондау кезінде қызмет алушылар кезек алуға болатын бос уақытты көре алады. Бұрын бос орын жоқтығына қарамастан, брондау тізімінде барлық уақыт көрсетілетін. Бұл қызмет алушылар үшін қолайсыздық тудырып, мәзірден қайта шығып, бос уақытты қайтадан іздеуге тура келетін.
Сонымен қатар Egov.kz порталында кезекті қайта брондаудың жаңа функциясы іске қосылды. Егер азамат алдын ала жасаған броны бойынша қандай да себептермен ХҚО-ға бара алмаса, кезек уақытын қайта белгілеп, пайдаланбаған брон уақытын босата алады.
Бір адамның бірнеше уақыт аралығын бірден брондау мүмкіндігі де шектелді. Енді азаматтар 10 күнде бір рет қана брон жасай алады. Бұл ретте, ХҚО мен автоХҚО-ға жасалған брон бөлек-бөлек есептелмейді, яғни қызмет алушы 10 күн ішінде ХҚО-ға да, мамандандырылған ХҚО-ға да кезекті онлайн қоя алады.
Авто ХҚО-ға жүгінуші азаматтарға көлікті қайта тіркету қызметі қажет болса, брон көлікті сатушы азаматтың атында болу керектігін ескертеміз.
Аталған шаралар брондау сервисіндегі кезекті азайтуға және неғұрлым көп азаматтың қызмет алуына жағдай жасады.
Аталған өзгертулерді «Азаматтарға арналған үкімет» мемлекеттік корпорациясының бастамасымен egov.kz порталының операторы – «Ұлттық ақпараттық технологиялар» АҚ жүзеге асырды. Бұған Азаматтарға арналған үкіметке қызмет алушылардан келіп түскен өтініштердің анализі мен онлайн түрде кезекке тұруды техникалық жақсарту қажеттілігін анықтаған фокус-топтың тестілеу нәтижелері негіз болды.
Сондай-ақ бір жұмыс күні ішінде бір ЖСН иесі үшін қызметтердің екі түрін брондау мүмкіндігі жасалды, олардың бірі құжаттандыру қызметімен байланысты. Мысалы, егер бұрын азамат бір күнде бір ғана қызмет түріне брон жасай алса, мәселен, жеке куәлік қызметі бойынша, енді сол күні одан өзге қызмет түрін алу мүмкіндігі бар.
Сонымен қатар, енді egov.kz қолданушылары электрондық үкімет порталындағы жеке кабинетінде тапсырыс берілген кезегінің мәртебесін көре алады.
-Естеріңізге сала кетейік, төтенше жағдай аяқталғаннан кейін Қазақстанның халыққа қызмет көрсету орталықтарында онлайн түрде қолжетімсіз, тек «қағаз» жүзінде көрсетілетін қызметтерді алуға болады.
Ол үшін ХҚО-ға кезек уақытын алдын ала egov.kz порталы немесе eGovKzBot2.0 телеграм-боты арқылы брондау керек.
Бұл азаматтардың көптеп жиналуын болдырмау мен вирусты жұқтыру қаупін азайтуға бағытталған шарала,-дейді осы ақпаратты жолдаған халыққа қызмет көрсету орталығының баспасөз қызметі.